Simba Yamnasa Neon Maema Kutoka Mamelodi Sundowns, Dili La Maseko Lafutwa: Klabu ya Simba SC ya Tanzania imefikia makubaliano rasmi na klabu ya Mamelodi Sundowns ya Afrika Kusini kuhusu uhamisho wa kiungo mshambuliaji Neon Maema (29). Mchezaji huyo atajiunga na Wekundu hao wa Msimbazi kwa mkopo wa msimu mzima.
Simba Yamnasa Neon Maema Kutoka Mamelodi Sundowns, Dili La Maseko Lafutwa
Kwa mujibu wa taarifa rasmi, Neon Maema atajiunga na Simba SC mara baada ya kumalizika kwa michuano ya Kombe la Mataifa ya Afrika kwa Wachezaji wa Ndani (CHAN), inayotarajiwa kufanyika hivi karibuni. Uhamisho huo unaonekana kuwa sehemu ya mipango ya Simba SC kuimarisha safu yake ya ushambuliaji kuelekea msimu mpya wa Ligi Kuu Tanzania Bara 2025/2026 na michuano ya kimataifa.
Kiungo mshambuliaji mwenye uwezo wa kutengeneza nafasi na kufunga mabao, Neon Maema anatarajiwa kuleta ubunifu na nguvu mpya kwenye kikosi cha Fadlu Davids. Uzoefu wake katika soka la ushindani la Afrika Kusini unaweza kuwa chachu ya mafanikio ya Simba, ndani na nje ya nchi.
Hata hivyo, pamoja na tetesi za uwezekano wa kumsajili Thapelo Maseko, Simba SC imethibitisha kuwa hakuna makubaliano na mchezaji huyo. Ripoti rasmi zinathibitisha kuwa mpango huo haupo tena kwenye kadi kwa sasa.
CHECK ALSO: