Liverpool Si Timu Bora Ulaya Mpaka Ishinde UEFA Champions League, anasema Arne Slot. Meneja wa Liverpool Arne Slot amesema licha ya timu yake kufanya vyema msimu huu, Wekundu hao hawawezi kuchukuliwa kuwa timu bora zaidi barani Ulaya hadi washinde Ligi ya Mabingwa.
Liverpool Si Timu Bora Ulaya Mpaka Ishinde UEFA Champions League
Liverpool wameonyesha kiwango kizuri msimu huu, wakishinda mechi 7 kati ya 8 za UEFA Champions League hatua ya makundi na kwa sasa wapo kileleni mwa Ligi Kuu ya Uingereza (EPL) kwa tofauti ya pointi 13. Walakini, Slot anasisitiza kuwa mafanikio haya hayatoshi kuwaweka juu ya vilabu vingine vikubwa vya Uropa.
Liverpool wanaanza safari yao ya hatua ya mtoano dhidi ya PSG
Leo, Liverpool wapo nchini Ufaransa kwa ajili ya mchezo wao wa hatua ya 16 bora dhidi ya Paris Saint-Germain (PSG). Mechi hii ni moja ya majaribio magumu zaidi kwa Liverpool wakiwa njiani kuelekea kwenye taji la UEFA Champions League.
Akijibu matamshi ya meneja wa PSG Luis Enrique kwamba Liverpool ndio timu bora zaidi barani Ulaya, Slot alisema:
“Ni pongezi nzuri kupata lakini timu bora zaidi barani Ulaya inapaswa kushinda Ligi ya Mabingwa lakini sisi tuko mbali na hilo, tunaanza na mchezo mgumu sana dhidi ya PSG,kwa upande wangu ukiniuliza timu bora nitajibu Madrid ambao wamebeba kombe hili msimu uliopita ”
Je, Liverpool watathibitisha ubora wao?
Liverpool wana nafasi kubwa ya kutwaa taji la Ligi Kuu ya England msimu huu, lakini kwa mujibu wa Slot, mafanikio hayo hayatatosha kudhihirisha ubora wao hadi watakapotawala Ulaya kwa kutwaa UEFA Champions League/Liverpool Si Timu Bora Ulaya Mpaka Ishinde UEFA Champions League.
Macho ya mashabiki yatakuwa kwenye mechi ya leo dhidi ya PSG, ambapo Liverpool italazimika kudhihirisha ubora wao dhidi ya moja ya timu kali barani Ulaya. Ushindi katika awamu hii ya muondoano unaweza kuwa ishara kwamba Wekundu hao wanaweza kushinda taji la UEFA Champions League msimu huu.
CHECK ALSO: