RASMI Aaron Wan-Bissaka Ajiunga na Timu ya Taifa ya DR Congo kwa mara ya kwanza, Atacheza Mechi za Kirafiki Dhidi ya Mali na Madagascar.
Baada ya juhudi na mazungumzo ya muda mrefu, beki mahiri wa Manchester United Aaron Wan-Bissaka amethibitishwa rasmi kujiunga na timu ya taifa ya Jamhuri ya Kidemokrasia ya Kongo (DR Congo). Hii ni mara ya kwanza kwa mchezaji huyo kuvaa jezi ya timu ya taifa ya Afrika ya Kati katika ngazi ya kimataifa.
Wan-Bissaka, ambaye awali aliitwa katika timu ya taifa ya Uingereza kwa mechi za vijana na wakubwa bila kucheza, sasa ameamua kutimkia katika nchi ya wazazi wake, Jamhuri ya Kidemokrasia ya Kongo. Taarifa hizi zimethibitishwa na Shirikisho la Soka la DR Congo na kuungwa mkono na vyanzo vilivyo karibu na mchezaji huyo.
Aaron Wan-Bissaka Ajiunga na Timu ya Taifa ya DR Congo
Wan-Bissaka anatarajiwa kuonekana uwanjani kwa mara ya kwanza akiwa na DR Congo katika mechi mbili za kirafiki za kimataifa mwezi ujao. Mechi hizo zitachezwa nchini Ufaransa, ambapo DR Congo itakutana na:
Mali
Madagascar
Mechi hizi ni sehemu ya maandalizi ya timu kwa ajili ya mashindano ya kimataifa yakiwemo ya kufuzu Kombe la Dunia na AFCON/Aaron Wan-Bissaka Ajiunga na Timu ya Taifa ya DR Congo.
Usajili wa Aaron Wan-Bissaka kwenda Jamhuri ya Kidemokrasia ya Kongo umepokelewa kwa shangwe na mashabiki wa soka nchini humo na katika bara zima la Afrika kwa ujumla. Uamuzi huu pia unaongeza nguvu na uzoefu mkubwa katika safu ya ulinzi ya timu ya taifa ya DRC, hasa ikizingatiwa kiwango chao cha juu katika Ligi Kuu ya Uingereza.
CHECK ALSO: