Belouizdad Yachapwa 4-1 na Otoho d’Oyo, Kaizer Chiefs Watoka Sare na Zamalek CAF Confederation Cup. Katika michuano ya Kombe la Shirikisho Afrika (CAF Confederation Cup), klabu ya CR Belouizdad ya Algeria imepata kipigo kikubwa cha mabao 4-1 dhidi ya Otoho d’Oyo ya Congo kwenye mchezo wa Kundi C uliochezwa ugenini. Timu hiyo inafundishwa na Sead Ramovic, kocha anayefahamika kwa umaarufu wa ‘Mzee wa gusa achia twende kwao’.
Belouizdad Yachapwa 4-1 na Otoho d’Oyo, Kaizer Chiefs Watoka Sare
Mchezo ulianza kwa kasi upande wa wenyeji, Otoho d’Oyo, ambao walionyesha uimara wa kiufundi na umiliki mkubwa wa mpira. Bowamba alifungua ukurasa wa mabao dakika ya 12, akifuatiwa na Diallo dakika ya 26. Dakika tatu baadaye, Duvan aliongeza bao la tatu, na kufanya Belouizdad kuonekana kuzidiwa katika maeneo yote ya uwanjani.
Katika kipindi cha pili, Dion alifunga bao la nne dakika ya 65 na kuufanya mchezo kuwa mgumu zaidi kwa timu ya Ramovic. Belouizdad walipata bao la kufutia machozi dakika ya 81 kupitia kwa Meziane kwa njia ya penalti.
Katika Kundi D, mchezo mwingine wa kuvutia uliwakutanisha Kaizer Chiefs ya Afrika Kusini na Zamalek ya Misri. Timu hizo zilitoka sare ya 1-1 katika pambano lililojaa ushindani na mbinu za hali ya juu. Zamalek walipata bao la mapema dakika ya 3 kupitia Jaziri, lakini presha kutoka kwa Chiefs katika kipindi cha pili ilileta matokeo.
Kaizer Chiefs walisawazisha dakika ya 90 baada ya Sobhi kujifunga, na kulazimisha mchezo kumalizika kwa sare.
Matokeo haya yanaonyesha ushindani uliopo katika hatua ya makundi ya CAFCC. Wachambuzi wanashauri timu kuwa makini katika mechi zijazo, hasa zile zinazohusu uchezaji ugenini, kwa kuwa ushindani wa kiwango hiki huhitaji nidhamu, mpangilio sahihi wa kiufundi, na matumizi bora ya nafasi.