Junguni United Yasimamisha na Kufukuza Wachezaji 7, Kosa la Kupanga Matokeo Zanzibar: Uongozi wa klabu ya Junguni United inayoshiriki Ligi Kuu ya Zanzibar (PBZ Premier League) umetangaza kuwasimamisha na kuwafukuza wachezaji saba kwa kosa la kushiriki upangaji matokeo kwa njia ya michezo ya kubashiri.
Junguni United Yasimamisha na Kufukuza Wachezaji 7, Kosa la Kupanga Matokeo Zanzibar
Hatua hii ilichukuliwa baada ya uchunguzi wa kina wa viongozi wa klabu, ambao walijiridhisha kuwa wachezaji hao wamekiuka sheria na kanuni za soka.
- Salum Athumani Chubi (Chubi)
- Ramadhan Ally Omar (Matuidi)
- Abdallah Sebastian Ponera
- Danford Mosses Kaswa
- Bakar Athumani Jomba (Jomba Jomba)
- Rashid Abdallah Njete
- Iddi Said Korongo
Taarifa hiyo ilieleza kuwa wachezaji hao walihusika katika kutabiri matokeo ya mechi mbili za Junguni United dhidi ya Malindi FC na New City, jambo ambalo limekiuka katiba ya klabu hiyo na kanuni za Ligi Kuu ya Zanzibar.
Viongozi wa Junguni United wamerejea wito wao kwa Shirikisho la Soka Zanzibar (ZFA) kuwachukulia hatua kali za kisheria wachezaji hao na kukomesha vitendo vya upangaji matokeo vinavyohatarisha maendeleo ya soka visiwani Zanzibar.
Zaidi ya hayo, taarifa zinaeleza kuwa wachezaji hao wanahusishwa na tajiri mmoja raia wa Nigeria anayeishi Zanzibar, ambaye aliwalipa fedha baada ya kupanga matokeo ya mechi. Majina ya wachezaji na watu binafsi tayari yamefikishwa kwenye mamlaka husika za serikali kwa hatua za kisheria.
Tahadhari kwa vilabu na wachezaji: Mazoea ya kupanga matokeo yanaharibu taswira na maendeleo ya soka. Vilabu na wachezaji lazima wawe waangalifu, waheshimu maadili ya michezo na waepuke shughuli zozote zinazokiuka sheria za mchezo.
CHECK ALSO: