Khalid Aucho Kuikosa Mechi ya Yanga SC Dhidi ya Azam FC | Klabu ya Young Africans SC (Yanga SC) kupitia kwa msemaji wake Ally Kamwe imethibitisha kuwa kiungo wake mshambuliaji Khalid Aucho hatakuwa sehemu ya mchezo muhimu wa Ligi Kuu ya NBC dhidi ya Azam FC unaotarajiwa kupigwa Alhamisi Aprili 10, 2025 kwenye Uwanja wa Azam Complex, Dar es Salaam.
Khalid Aucho Kuikosa Mechi ya Yanga SC Dhidi ya Azam FC
Taarifa rasmi kutoka ndani ya klabu hiyo zinasema kuwa Aucho raia wa Uganda anasumbuliwa na majeraha ya nyama za paja katika mechi dhidi ya Coastal Union ambayo yanamzuia kukamilisha mechi hiyo.
Kukosekana kwa Khalid Aucho kunaweza kuathiri safu ya kiungo ya Yanga, hasa ikizingatiwa mchango wake mkubwa katika kukaba, kuzuia mashambulizi na kuanzisha mashambulizi kutoka nyuma. Mechi dhidi ya Azam FC ni miongoni mwa mechi ngumu kwenye ratiba ya Yanga SC, hivyo kocha atalazimika kupanga mikakati mbadala ya kuhakikisha pengo hilo halionekani.
Mashabiki wa Yanga wamehimizwa kuendelea kuwaunga mkono wachezaji wengine, huku wakimuombea Aucho apone haraka ili arejee mapema kwa mechi zilizosalia za ligi na Kombe la Shirikisho CRDB.
CHECK ALSO: