Lionel Messi Asaini Mkataba Mpya na Inter Miami Hadi 2028, Messi Aongeza Mkataba wa Miaka Mitatu na Inter Miami
Nahodha wa timu ya taifa ya Argentina na mshindi mara nane wa tuzo ya Ballon d’Or Lionel Messi amesaini mkataba mpya wa miaka mitatu na klabu yake, Inter Miami, hadi Desemba 2028.
Taarifa rasmi ya klabu ilithibitisha kwamba nyota huyo mwenye umri wa miaka 38 atasalia kuwa sehemu muhimu ya mpango wa muda mrefu wa Inter Miami wa kukuza soka la Marekani kupitia Ligi Kuu ya Soka (MLS)Lionel Messi Asaini Mkataba Mpya na Inter Miami Hadi 2028.
Lionel Messi Asaini Mkataba Mpya na Inter Miami Hadi 2028
Messi alijiunga na Inter Miami Julai 2023 kutoka klabu ya Ufaransa ya Paris Saint-Germain (PSG). Tangu kuwasili kwake amekuwa mchezaji muhimu katika mafanikio ya timu hiyo, akiongoza katika michuano yote.
Hadi sasa, Messi amecheza jumla ya mechi 82, akifunga mabao 71 na kutoa asisti 37, hali inayoonyesha ubora na uzoefu unaoendelea kuinufaisha timu yake.
Uwepo wa Lionel Messi umeleta mabadiliko makubwa ndani ya Inter Miami na katika soka la Marekani kwa ujumla. Mbali na kuimarisha ushindani wa timu, ujio wake umeongeza idadi ya mashabiki, mapato ya klabu na mvuto wa kimataifa wa MLS.
Kwa mujibu wa wachambuzi wa masuala ya michezo, uamuzi wa Messi kusalia hadi 2028 unaonyesha kujitolea kwake kwa maendeleo ya soka ya Marekani na kusaidia kizazi kipya cha wachezaji wachanga kupata uzoefu wa kuwa mchezaji bora zaidi duniani/Lionel Messi Asaini Mkataba Mpya na Inter Miami Hadi 2028.
Kwa mkataba huu mpya, Messi anatarajiwa kuendelea kuwaongoza wachezaji ndani na nje ya uwanja, huku klabu hiyo ikipanga kuwekeza zaidi katika kukiimarisha kikosi hicho ili kupata mafanikio makubwa katika michuano ya Ligi ya Mabingwa wa CONCACAF na michuano ya taifa ya Marekani.
Mashabiki wa Inter Miami na wapenzi wa soka duniani kote wanafuatilia maisha ya Messi kwa matumaini ya kuona hatua nyingine muhimu ikiandikwa katika kipindi hiki kipya cha mkataba wake.
Kuongezwa huku kwa mkataba wa Lionel Messi ni ishara tosha kwamba maisha yake ya soka bado hayajaisha. Kwa Inter Miami, ni faida kubwa kuendelea kuwa na jina linaloheshimika zaidi duniani, wakati kwa MLS, ni fursa nzuri ya kuendelea kuinua hadhi ya ligi kimataifa.
CHECK ALSO: