Mgogoro wa Kikanuni Wautikisa Mpira wa Miguu wa Misri | Al Ahly Wakabidhiwa Ubingwa Licha ya Kutocheza Mchezo Dhidi ya Zamalek.
Mgogoro wa Kikanuni Wautikisa Mpira wa Miguu wa Misri
Katika hali ya kutatanisha ambayo imezua mjadala mkubwa katika soka la Misri, Al Ahly ilikataa kushiriki mchezo wa Cairo derby dhidi ya Zamalek, ikitaka waamuzi wa kigeni badala ya waamuzi wa ndani waliopangwa kuchezesha mechi hiyo. Tukio hilo lilizua mzozo mkubwa wa kinidhamu, na uamuzi wa mwisho wa ligi hiyo uliwakera mashabiki na wadau wengi wa soka.
Sababu za Kutocheza kwa Al Ahly
Al Ahly ilitangaza rasmi kutoshiriki mechi hiyo iwapo waamuzi wa ndani watatumika, wakiamini kuwa haki haitapatikana. Hata hivyo, mamlaka husika ilitupilia mbali ombi la kuwatumia waamuzi wa kigeni na kusababisha Al Ahly kutoonekana uwanjani siku ya mechi.
Kwa mujibu wa kanuni za ligi:
Endapo timu moja inashindwa kuheshimu mechi huku wapinzani wao wakiwa tayari uwanjani pamoja na wasimamizi, basi:
Pointi 3 hupewa timu iliyoheshimu mechi.
Pointi nyingine 3 hupunguzwa kutoka kwa timu iliyokosa mechi hiyo.
Awali, ilitarajiwa Zamalek wangekabidhiwa pointi tatu na Al Ahly kupokonywa pointi tatu mwishoni mwa msimu huu. Hata hivyo, kufuatia rufaa ya Al Ahly, ikidai kuwa mamlaka za ligi pia zilikosea kwa kutoheshimu ombi lake la kutaka waamuzi wa kigeni, kama walivyofanya na vilabu vingine, ligi ilibatilisha uamuzi huo.
- Zamalek ilipewa pointi tatu.
- Al Ahly haikukatwa pointi.
Uamuzi huo uliwakasirisha Zamalek na Pyramids, ambao walikuwa wakipigania ubingwa. Pyramids walisisitiza kwamba sheria lazima zifuatwe na kuwasilisha malalamiko yao kwa Mahakama ya Usuluhishi wa Michezo (CAS), lakini rufaa yao ilikataliwa/Mgogoro wa Kikanuni Wautikisa Mpira wa Miguu wa Misri.
Sakata hili limeibua maswali mengi kuhusu ufanisi wa usimamizi wa ligi, utekelezwaji wa sheria na kutoegemea upande wa maamuzi ya soka ya taifa. Wadau wanasisitiza haja ya kuwepo kwa mchakato huru na wa haki wa kusimamia migogoro hii na hivyo kulinda uadilifu wa mashindano.
CHECK ALSO: