Nafasi ya Kazi COUNSENUTH, Program Officer– Nutrition (Mwisho Oct 6, 2024)
COUNSENUTH ni shirika la kitaifa linalofanya kazi katika afya ya umma, lishe, jinsia, na haki za binadamu. Shirika hili lina lengo la kuboresha hali ya maisha ya makundi yaliyo katika mazingira magumu—hasa watoto, wanawake, na vijana. Wanatumia mbinu za kisayansi, za gharama nafuu, na ubunifu ili kuleta mabadiliko chanya katika afya na lishe kwa jamii.
COUNSENUTH imetangaza nafasi ya kazi ya Program Officer – Nutrition ambaye atafanya kazi katika Halmashauri ya Wilaya ya Chemba, mkoani Dodoma. Mtu atakayechaguliwa atashirikiana na mamlaka za serikali za mitaa na wadau wa lishe katika kuongoza na kuratibu utekelezaji wa programu za lishe na kijinsia.
Majukumu Makuu:
Kuratibu na kuwezesha utekelezaji wa shughuli za lishe na kijinsia katika jamii.
Kufanya kazi kwa karibu na maafisa wa lishe wa halmashauri na timu za kiufundi za lishe za wilaya.
Kujenga uwezo wa wahudumu wa afya wa ngazi za chini ili kuimarisha utekelezaji wa programu za lishe.
Kufuatilia kwa karibu utekelezaji wa mpango kazi na kuwasilisha ripoti za shughuli, kila mwezi, kila robo mwaka, na kila mwaka kwa muda uliopangwa.
Kuandaa nyenzo muhimu za uwasilishaji kwa ajili ya mikutano.
Kusaidia kamati za mikoa na wilaya katika kusimamia na kuhamasisha ushirikiano wa sekta mbalimbali kwenye masuala ya lishe.
Sifa na Uzoefu Ulihitajika:
- Shahada ya kwanza katika lishe au fani inayohusiana.
- Uzoefu wa angalau miaka minne katika kusimamia miradi ya lishe au programu zinazohusiana.
- Uwezo wa kujihusisha na jamii, na uzoefu katika kujenga uwezo wa washiriki wa ngazi za chini.
- Ujuzi wa kufanya kazi na taasisi za serikali, mashirika ya kiraia, na washirika wa jamii.
- Uwezo wa kufanya kazi kwa kujitegemea na kama sehemu ya timu.
Jinsi ya Kuomba
Wale wote wenye sifa wanahimizwa kutuma barua ya maombi kwa barua pepe kwenda kwa:
- Mkurugenzi Mtendaji,
- The Centre for Counselling, Nutrition and Health Care (COUNSENUTH),
- S.L.P. 8218, Mikocheni B, Dar es Salaam.
Barua pepe: info@counsenuth.or.tz
Maombi lazima yaambatane na CV yenye wasifu wa kitaalamu pamoja na nakala za vyeti vya kitaaluma. Mwisho wa kupokea maombi ni 6 Oktoba 2024. Hakikisha umeandika jina la nafasi unayoomba kwenye mstari wa mada wa barua pepe yako.
Mapendekezo ya Mhariri:
- Nafasi ya Kazi ya Program Officer Kampuni ya Kilimo Trust Tanzania
- Nafasi ya Kazi ya ATM na POS Support Specialist – CRDB Bank (Mwisho: 2024-10-13)
- Nafasi za Kazi za Finance Assistant Kampuni ya Save The Children Tanzania
- Nafasi Mpya za Ajira Tigo Tanzania – Septemba 2024
- Nafasi Mpya za Kazi Barrick Gold Mine Tanzania Septemba 2024
- Nafasi Mpya za Kazi GGML Superintendent 2 – Social & Economic Development