Romain Folz Kutua Yanga SC Kama Kocha Mkuu Mpya | Atarajiwa Kurithi Mikoba ya Miloud Hamdi. Klabu ya Tanzania Young Africans (Yanga SC) itamtangaza Romain Folz kuwa kocha wake mpya baada ya kuondokewa na meneja wake wa awali Miloud Hamdi aliyejiunga na Ismaily ya Misri.
Romain Folz Kutua Yanga SC Kama Kocha Mkuu Mpya
Kwa mujibu wa taarifa zilizochapishwa na iDiski Times, vyanzo ndani ya klabu hiyo ya Jangwani vimethibitisha kuwa Folz raia wa Ufaransa mwenye asili ya Ufaransa na Marekani anatarajiwa kuwasili jijini Dar es Salaam wiki hii kwa ajili ya kukamilisha dili hilo.
Asili na Uzoefu wa Romain Folz
Kocha huyo mwenye umri wa miaka 35 ana asili tofauti katika soka la Afrika. Aliwahi kuwa meneja msaidizi katika klabu ya Afrika Kusini ya Mamelodi Sundowns, mojawapo ya klabu zinazoheshimika zaidi barani Afrika. Folz pia amewahi kufundisha Township Rollers (Botswana), Marumo Gallants (Afrika Kusini), AmaZulu FC, na Horoya AC ya Guinea.
Hivi majuzi alimaliza kipindi kifupi huko Algeria akiwa na Olympique Akbou, ambapo aliisaidia timu hiyo kuepuka kushuka daraja katika mechi nane pekee.
Yanga SC Mpya
Msimu wa 2024/2025 ulikuwa wa mafanikio makubwa kwa Yanga SC na kutwaa mataji yote ya taifa. Pamoja na mafanikio hayo, bodi ya klabu hiyo imeamua kubadili mambo kwa kuajiri kocha mpya mwenye maono mapya, hasa kwa lengo la kujiandaa ipasavyo kwa michuano ya Ligi ya Mabingwa Afrika (CAF Champions League).
Iwapo dili hili litakamilika rasmi, Romain Folz atakuwa na jukumu la kuendeleza mafanikio ya klabu hiyo, huku akitumai kukiboresha zaidi kikosi kwa ajili ya mashindano ya kimataifa/Romain Folz Kutua Yanga SC Kama Kocha Mkuu Mpya.
Tangazo Rasmi Linasubiri
Pamoja na kwamba bado hakuna taarifa rasmi kutoka kwa Yanga SC kuhusiana na uteuzi wa Romain Folz, taarifa hizi zimezua matarajio makubwa kwa mashabiki wa klabu hiyo ambao wanasubiri kwa hamu kuona iwapo kocha huyo anaweza kufikia ndoto ya Yanga SC kutawala soka la Afrika.
Iwapo atathibitishwa rasmi kuwa kocha mpya wa Yanga SC, Romain Folz atahitaji kuonyesha mara moja uwezo wake wa kudumisha ushindani wa hali ya juu, kuimarisha kikosi, na kuhakikisha klabu hiyo inapata mafanikio katika ngazi ya bara/Romain Folz Kutua Yanga SC Kama Kocha Mkuu Mpya.
CHECK ALSO: