Sifa za Watahiniwa wa Kujitegemea Kidato cha Sita | Sifa za Kufanya Mtihani wa Kidato cha Sita Kama Private Candidate
Watahiniwa wa kujitegemea kidato cha sita ni kundi maalum la wanafunzi wanaojiandaa kufanya mtihani wa kidato cha sita (ACSEE) bila kupitia mfumo wa kawaida wa shule za sekondari.
Hawa ni watu ambao, kwa sababu mbalimbali, hawakupata fursa ya kuendelea na kidato cha tano na sita, ama waliamua kuacha shule lakini sasa wanataka kuendeleza elimu yao. Wengine wanaweza kuwa walipata matokeo yasiyoridhisha kwenye mtihani wa kidato cha nne na wanahitaji kujirekebisha, au wanatafuta sifa za kujiunga na vyuo vikuu na kuongeza nafasi zao katika soko la ajira.
Ikiwa unataka kufahamu zaidi kuhusu sifa zinazotakiwa kwa mtahiniwa wa kujitegemea kidato cha sita, hapa ajirazaleo tumekuletea taarifa kamili kuhusu masharti na taratibu muhimu.
Sifa za Watahiniwa wa Kujitegemea Kidato cha Sita
Baraza la Mitihani la Tanzania limeweka vigezo mahsusi kwa watahiniwa wa kujitegemea ambao wanataka kujiandikisha kufanya mtihani wa kidato cha sita. Sifa hizi ni pamoja na:
- Alama za Kidato cha Nne: Mtahiniwa anatakiwa kuwa na alama ya “C” tatu katika masomo yoyote aliyosoma kidato cha nne. Hakuna masharti ya aina maalum ya masomo aliyosoma, hivyo alama za “C” hizi zinaweza kuwa kutoka kwenye masomo yoyote, kama vile “C” katika Kiswahili, Biolojia, na Civics.
- Uhuru wa Kuchagua Combination: Mtahiniwa anaruhusiwa kuchagua ‘combination’ yoyote ya masomo kwa mtihani wa kidato cha sita, bila kujali alama zake za masomo ya awali.
Utaratibu wa Usajili wa Watahiniwa wa Kujitegemea Kidato cha Sita
Usajili wa watahiniwa wa kujitegemea unafanyika kwa njia ya mtandao kupitia tovuti rasmi ya Baraza la Mitihani la Tanzania (www.necta.go.tz). Kabla ya kuanza mchakato wa kujisajili, watahiniwa wanapaswa kufuata hatua hizi:
- Kuchukua Namba Rejea: Kabla ya kulipa ada ya usajili, watahiniwa wanatakiwa kwenda kwenye vituo vya mitihani vilivyoko karibu nao kuchukua namba rejea (Reference Number) bila malipo yoyote.
- Malipo kwa Njia ya Benki: Ada ya usajili inafanyika kupitia benki kwa kutumia ‘Control Number’ iliyotolewa wakati wa usajili.
- Usaidizi wa Ziada: Kwa wale ambao wanapata changamoto ya kutumia mfumo wa mtandao, Baraza la Mitihani limependekeza kufika ofisi za posta zilizo karibu kwa msaada zaidi wa usajili.
Mapendekezo ya Mhariri: