Simba SC Yatinga Fainali ya Kombe la Shirikisho Afrika CAF 2024/2025 | Yamsubiri Mshindi wa CS Constantine vs RS Berkane.
Katika mafanikio makubwa kwa soka la Tanzania, Simba SC ilifanikiwa kufuzu kwa fainali ya Kombe la Shirikisho Afrika msimu wa 2024/2025. Hatua hiyo ya kihistoria ilifikiwa baada ya Simba kutoka sare ya 0-0 dhidi ya Stellenbosch FC katika mchezo wa marudiano nchini Afrika Kusini, kwa jumla ya bao 1-0.
Katika mchezo wa awali uliopigwa jijini Dar es Salaam, Simba SC ilishinda bao 1-0, ambalo lilitosha kuwaweka katika mazingira salama kuelekea mchezo wa marudiano. Kwa sare hii ya ugenini, Simba imedhihirisha ubora na uwezo wake wa kushindana katika viwango vya juu vya soka barani Afrika.
Kwa sasa, Simba SC inasubiri mshindi wa mechi kati ya CS Constantine ya Algeria na RS Berkane ya Morocco ili kumpata mpinzani wake kwenye fainali. Hili litakuwa tukio muhimu ambalo litaweka historia mpya kwa Simba SC na kwa soka la Tanzania kwa ujumla.
Simba SC Yatinga Fainali ya Kombe la Shirikisho Afrika CAF 2024/2025
Mashabiki wanakumbushwa kuwa na subira na kuendelea kuisapoti timu yao kwa amani na nidhamu. Pia wanashauriwa kufuata taarifa rasmi za klabu kuhusiana na ratiba kamili ya mwisho na maandalizi mengine.
Kuingia kwa Simba SC katika fainali ya kombe la shirikisho barani Afrika CAF ni kielelezo cha juhudi kubwa, nidhamu na uboreshaji wa soka la Tanzania katika ngazi ya kimataifa. Ni wakati wa kuendelea kuisapoti timu ili kufikia ndoto yake ya kutwaa taji hili muhimu.
CHECK ALSO: