Simba Yakimataifa, Jayrutty na Diadora Watangaza Ushirikiano Mpya | Katika hafla iliyofanyika leo Ijumaa nchini Afrika Kusini, Jayrutty ametangaza rasmi ushirikiano na kampuni kubwa ya kimataifa ya Diadora kuwa mtengenezaji rasmi wa vifaa vya michezo vya Simba SC kuanzia msimu ujao.
Simba Yakimataifa, Jayrutty na Diadora Watangaza Ushirikiano Mpya
Diadora inayotambulika duniani kwa ubora wa vifaa vyake vya michezo, sasa itakuwa sehemu ya safari ya Simba SC kujitangaza kimataifa kupitia upatikanaji wa vifaa bora vya michezo. Hafla hiyo ilifanyika katika makao makuu ya Diadora kwa kanda ya SADC, kwa kushirikisha viongozi kutoka Jayrutty na Diadora.
Akizungumza katika hafla hiyo, Afisa Mtendaji Mkuu wa Jayrutty, Bw. Joseph Rwegasira, alisema:
“Wakati tunatangazwa kuingia mkataba huu na kutengeneza vifaa vya Simba kuanzia msimu ujao niliahidi. Kutokana na ukubwa wa Simba, ni wakati wa kwenda kimataifa, na leo tupo makao makuu ya Diadora ukanda wa SADEC na kwa mara ya kwanza tunakwenda kutangaza ushiriki wa pamoja kati ya Simba, Jayrutty na Diadora.”
Ushirikiano huu unatarajiwa kuleta mabadiliko makubwa katika muonekano na ubora wa vifaa vya Simba SC, pamoja na kuongeza thamani ya kibiashara ya klabu ndani na nje ya Tanzania.
Tahadhari kwa vilabu na mashabiki: Katika kipindi hiki cha mabadiliko, klabu na mashabiki wanashauriwa kuwa na subira na kuunga mkono juhudi hizi mpya zinazolenga kuinua hadhi ya kimataifa ya Simba SC. Zaidi ya hayo, umakini unapaswa kuchukuliwa kununua vifaa vya kisheria ili kusaidia maendeleo ya klabu.
Kupitia ushirikiano huu wa kimataifa, Simba SC inaimarika zaidi kuwa klabu inayokidhi viwango vya juu vya soka duniani. Mashabiki na wadau wote wanatarajiwa kushuhudia maboresho makubwa katika msimu ujao.
CHECK ALSO: