TAARIFA KWA WASIOITWA KWENYE USAILI TRA

Table of Contents

TAARIFA KWA WASIOITWA KWENYE USAILI TRA

Dar es Salaam, 23 Machi, 2025: Kufuatia tangazo la kuitwa kwenye usaili wa mchujo wa kuandika lililotolewa na Mamlaka ya Mapato Tanzania (TRA) tarehe 22.03.2025, TRA inapenda kuwafahamisha waombaji ambao hawajaitwa kwenye usaili na mchujo, lakini wanadhani wana sifa za nafasi walizoziomba, kuwa wanapaswa kuwasilisha barua zao za malalamiko kwa Kamishna Mkuu wa TRA ndani ya siku mbili kuanzia tarehe 24 hadi 25 Machi 2025.

Barua hizo zinapaswa kueleza sababu za waombaji kudhani kuwa wanastahili kuitwa kwenye usaili, pamoja na nyaraka kama nakala ya barua ya maombi ya kazi na vyeti husika.

Waombaji wanapaswa kutuma barua hizo kupitia barua pepe:
📧 huduma@tra.go.tz au services@tra.go.tz

Kwa waombaji waliopo Mkoa wa Dar es Salaam, barua zinaweza kupelekwa kwa mkono katika ofisi za TRA katika kitengo cha Huduma kwa Mlipa Kodi, kilichopo Mtaa wa Samora katika jengo la NHC HOUSE, jirani na makao makuu ya TTCL ndani ya saa za kazi.