Taifa Stars Yaaga COSAFA CUP Licha ya Ushindi Dhidi ya Eswatini | Timu ya taifa ya soka ya Tanzania, Taifa Stars, imehitimisha ushiriki wa michuano ya COSAFA 2025 kwa ushindi wa mabao 2-1 dhidi ya Eswatini, lakini ikashindwa kufuzu kwa nusu fainali ya michuano hiyo.
Katika mchezo wa leo wa mwisho wa hatua ya makundi, Taifa Stars ilionyesha mchezo mzuri na kupata ushindi mnono. Hata hivyo, kwa mujibu wa mfumo wa mashindano ya Kombe la COSAFA, ni timu moja tu kutoka katika kila kundi ndiyo inafuzu moja kwa moja hatua ya nusu fainali hivyo kuiacha Tanzania nje ya michuano hiyo licha ya ushindi wao wa hivi karibuni.
Taifa Stars Yaaga COSAFA CUP Licha ya Ushindi Dhidi ya Eswatini
Matokeo haya yanahitimisha mbio za Tanzania katika mashindano ya kanda ya Afrika Kusini, ambayo yamekuwa jukwaa muhimu la kuonyesha vipaji vya ndani na kuimarisha maandalizi ya mashindano mengine ya kimataifa.
FT: Eswatini 1-2 Tanzania 🇹🇿
Licha ya kushindwa kufuzu, mashabiki wameipongeza Taifa Stars kwa kuonyesha dhamira na kujituma hadi mwisho, huku wakisubiri ni hatua gani Shirikisho la Soka Tanzania (TFF) litachukua ili kuimarisha kikosi kwa ajili ya mashindano yajayo.
CHECK ALSO: