Tetesi za Usajili, Clatous Chama Kusajili Singida Black Stars: Klabu ya Singida Black Stars ya Tanzania inakamilisha usajili wa kiungo mkongwe Mzambia Clatous Chama ambaye kwa sasa yuko huru baada ya kuondoka rasmi Young Africans SC (Yanga).
Tetesi za Usajili, Clatous Chama Kusajili Singida Black Stars
Habari za uhakika zinasema kuwa mazungumzo kati ya uongozi wa Singida Black Stars na mchezaji huyo yapo katika hatua za mwisho, na taarifa rasmi inatarajiwa kutolewa hivi karibuni. Chama, 34, ana uzoefu mkubwa katika soka la Afrika Mashariki na Kati, akiwa ameichezea Simba SC kwa mafanikio kabla ya kujiunga na Yanga.
Iwapo dili hilo litakamilika, Chama atakuwa miongoni mwa wachezaji muhimu wa klabu ya Singida Black Stars waliosajiliwa katika dirisha hili la usajili, jambo linaloonyesha dhamira ya klabu hiyo kuimarisha kikosi chake kwa ajili ya msimu mpya wa Ligi Kuu Tanzania Bara.
Usajili wa Chama unaweza kuwa hatua ya kimkakati kwa Singida Black Stars, hasa katika kujenga kikosi chenye uzoefu na ushindani mkubwa. Mashabiki wa soka wanatazamia kuona hatua rasmi ya kutangazwa kwa mchezaji huyo ndani ya siku chache zijazo.
CHECK ALSO: