Walioitwa Kwenye Usaili Magereza 2025

Walioitwa Kwenye Usaili Magereza 2025, Orodha Kamili ya Majina na Maelekezo Muhimu. Jeshi la Magereza Tanzania limetoa tangazo rasmi kwa vijana wote waliowahi kuomba ajira kupitia Mfumo wa Ajira wa Jeshi la Magereza (Tanzania Prisons Service Recruitment Management System – TPSRMS). Tangazo hilo linawahusu waombaji wote waliokidhi vigezo vya awali, ambao sasa wameteuliwa kushiriki katika usaili wa ajira utakaofanyika katika maeneo yaliyopangwa nchi nzima.

Table of Contents

Walioitwa Kwenye Usaili Magereza 2025

Mahali na Muda wa Kufanyika kwa Usaili

Usaili huo utafanyika katika Makao Makuu ya Jeshi la Magereza pamoja na Ofisi za Wakuu wa Magereza wa Mikoa kwa mujibu wa ratiba iliyoainishwa kwenye tangazo husika.
Vijana wote walioitwa wanatakiwa kufika katika eneo la usaili saa mbili (02:00) asubuhi kwa siku husika kama ilivyopangwa.

Gharama za Usaili

Jeshi la Magereza limetoa taarifa kuwa gharama zote za usafiri, malazi na chakula wakati wa usaili zitagharamiwa na wahusika wenyewe. Hivyo, washiriki wanashauriwa kujipanga vizuri kifedha kabla ya kufika katika vituo vya usaili.

Nyaraka Zinazohitajika

Kila mshiriki anatakiwa kufika kwenye usaili akiwa na nyaraka halisi zifuatazo:

Cheti halisi cha Elimu ya Sekondari
Cheti halisi cha Kuzaliwa
Cheti cha Taaluma (kwa wale walioomba nafasi maalumu za kitaaluma)
Kitambulisho cha Taifa (NIDA)

Ni muhimu wahusika kuhakikisha nyaraka zote ni halisi na hazijachakachuliwa, kwani utatokea uchunguzi wa kina wa uhalali wa vyeti na taarifa zote zilizowasilishwa/Walioitwa Kwenye Usaili Magereza 2025.

Kwa mujibu wa tangazo hilo, jumla ya vijana 6,467 wamechaguliwa kushiriki katika usaili huo. Orodha kamili ya majina yao, tarehe na mikoa watakayofanyia usaili imeambatanishwa kwenye faili la PDF lililotolewa rasmi na Jeshi la Magereza.