Walioitwa Mafunzo ya Jeshi la Magereza 2025

Walioitwa Mafunzo ya Jeshi la Magereza 2025 | Jeshi la Magereza limetangaza orodha ya majina ya waliochaguliwa kuhudhuria mafunzo ya awali ya jeshi hilo yatakayoendeshwa katika Chuo cha Magereza, kilichopo Kiwira, Wilaya ya Rungwe, mkoani Mbeya.

Kwa mujibu wa taarifa iliyotolewa leo Jumapili Novemba 30, 2025 kwenye mitandao ya kijamii ya jeshi hilo vijana hao wanatakiwa kuripoti Ofisi za Magereza za mikoa walikofanyia usaili au Ofisi za Magereza za mikoa ya jirani na mahali walipo.

Wanapaswa kuripoti kati ya Desemba 1 hadi 3, 2025 ili kupata maelekezo ya mahitaji na utaratibu wa safari ya kwenda chuoni.

Ikumbukwe Oktoba 2025, Serikali ilitangaza zaidi ya ajira 41,000 ikiwemo jeshi hilo, uhamiaji, uvuvi, polisi, zimamoto na mifugo ambapo wenye sifa walijitokeza kuomba nafasi.

“Aidha, vijana wote waliochaguliwa wanatakiwa kufika chuoni Desemba 5, 2025 bila kukosa. Yeyote atakayechelewa kuripoti katika tarehe tajwa atakuwa amepoteza nafasi. Orodha ya majina ya vijana waliochaguliwa ni kama ifuatavyo,” imeeleza taarifa hiyo.