Ratiba ya Kariakoo Derby Yanga vs Simba Kupigwa 15 Juni 2025 | Bodi ya Ligi Tanzania imetoa ratiba rasmi ya mechi zilizosalia za Ligi Kuu ya NBC kwa msimu wa 2024/2025, ikiwemo Kombe la Shirikisho la CRDB. Kwa mujibu wa ratiba, mechi kubwa kati ya watani wa jadi, Yanga SC na Simba SC, maarufu kwa jina la Kariakoo Derby, imepangwa kufanyika Juni 15, 2025, kwenye Uwanja wa Benjamin Mkapa, jijini Dar es Salaam.
Mechi hiyo itachezwa saa 11:00 jioni. Saa ya Afrika Mashariki na inatarajiwa kuvuta hisia za mashabiki wengi wa ndani na nje ya nchi kutokana na umuhimu wa mechi hiyo katika historia ya soka la Tanzania.
Ratiba ya Kariakoo Derby Yanga vs Simba Kupigwa 15 Juni 2025
Kwa mujibu wa Bodi ya Ligi, msimu wa Ligi Kuu ya NBC unatarajiwa kukamilika Juni 22, 2025. Hii ni hatua muhimu kwa klabu zote zinazoshiriki michuano hiyo, pamoja na fursa za kushiriki michuano ya kimataifa.
Zaidi ya hayo, fainali ya Kombe la Shirikisho la CRDB imepangwa kuchezwa kati ya Juni 26 na 28, 2025. Tarehe kamili ya fainali itatangazwa baadaye kulingana na maandalizi na maendeleo ya hatua za mwisho za shindano hilo.
Mashabiki wanakumbushwa kufuatilia ratiba rasmi ya TFF au Bodi ya Ligi kwa mabadiliko yoyote ya muda wa mechi au uwanja. Pia wanahimizwa kufika viwanjani wakiwa na tiketi halali ili kuepuka usumbufu wowote siku ya mechi/Ratiba ya Kariakoo Derby Yanga vs Simba Kupigwa 15 Juni 2025.
Mchezo wa Kariakoo derby 2025 unatarajiwa kuwa wa kipekee kutokana na upinzani mkali uliopo baina ya klabu hizo mbili msimu huu. Mashabiki, wadau wa soka na vyombo vya habari wanatarajiwa kufuatilia kwa karibu tukio hili muhimu katika kalenda ya michezo ya Tanzania.
CHECK ALSO: