Usajili wa Clement Mzize Kuelekea Zamalek Wasitishwa | Mpango wa klabu ya Zamalek SC ya Misri kumsajili mshambuliaji chipukizi wa Yanga SC Clement Mzize umekwama kwa sasa licha ya klabu hiyo kutaka kukamilisha dili hilo.
Usajili wa Clement Mzize Kuelekea Zamalek Wasitishwa
Taarifa za ndani zinaeleza kuwa mazungumzo kati ya pande hizo yalikuwa katika hatua za mwisho, lakini hali ilibadilika ghafla baada ya mawakala kadhaa kujitokeza kuonesha nia ya kutaka uhamisho huo.
Miongoni mwa waliohusika ni mwanamke aitwaye Jasmine, ambaye inadaiwa alidai pesa nyingi kutoka kwa Zamalek kama sehemu ya ada yake.
Wakala mkuu wa Morocco ambaye ndiye kiunganishi rasmi kati ya mchezaji huyo wa Yanga SC na Zamalek anadaiwa kukerwa sana na hali ya sasa hasa kutokana na kuingiliwa na watu wasio na mamlaka rasmi katika dili hilo.
Kutokana na hali hiyo, wakala huyo aliwasiliana moja kwa moja na uongozi wa Zamalek na kuomba kusitishwa kwa muda kwa mpango wa uhamisho ili kutoa muda wa kutathminiwa upya na kuepuka mzozo wa kimkataba.
Clement Mzize ambaye amekuwa na msimu mzuri ndani ya Yanga SC, anaonekana kuwa kwenye hatua muhimu katika maisha yake ya soka. Hata hivyo, hali ya sintofahamu inayohusu usajili wake inaweza kuathiri maendeleo yake iwapo suala hilo halitatatuliwa haraka/Usajili wa Clement Mzize Kuelekea Zamalek Wasitishwa.
Usajili wa wachezaji barani Afrika mara nyingi unakabiliwa na matatizo ya kiutawala, hasa pale mawakala wengi wanapoingilia kati kwa maslahi binafsi. Suala la Clement Mzize linaonyesha umuhimu wa uwazi, uwakilishi rasmi na mawasiliano ya moja kwa moja kati ya klabu na wachezaji ili kuepuka matatizo hayo.
CHECK ALSO: